Dopis z vězení odeslaný Zikmundem Báthory dne 21.října roku 1610, Adamovi ze Sternberga nejvyššímu purkrabímu.

pouze Latinský text:    

„Illustrissimo Domino Adamo a Sternberg in Bechyn SCRM. consiliario et supremo regni Bohemiae Burggravio et Domino Amico observandissimo.
Illustrissime Domine !
Non dubito, quin pro Sua Christiana pietate et singulari prudentia novem mensium angustae Satrictissimaeque custodiae meae, miserabili statui innocentiae meae compassa fuerit benignas item et serias Summi Pontificis, Regis Catholici, Seren. Archi-Principum Electorum caeterorumque Principum Sac. Rom. Imperii pro me factas apud SCR. Majestatem intercessiones, eo, quo par est, loco Illma Dominatio Vestra habuerit. parique effectu prosecuta sit atque meritorum meorum (absit aut arrogantia aut exprobratio) fidelium utiliumque servitiorum meorum in urgentissimis necessitatibus gravissimisque occasionibus diversis in locis vicibusque Sacr. Imperatori Domino nostro Serenissimo totique Christianitati exhibitorum amicam gratamque semper memoriam retinuerit, insuper me resque meas pro sua humanitate amico affectu omni tempore prosecuta est et amorem suum, qualicunque data occasione, ipsis operibus testata est.
Haec, quemadmodum ex animo meo tollunt ponuntque omnem suspicionem, ita etiam persuadent urgentque, ut Illmam D. V. iterum literis meis requiram nec hoc facio, ut importunus urgeam, sed ut spei, quam de Ea semper votam habui, satisfaciam, et afflicto statui meo opportunum levamen et innocentiae meae justissimum respectum dignamque mercedem Ejus opera quam primum acquirere et consequi possim, satago, et forsitan ut etiam Illma D. V. excusabilior, ubi intererit, reddatur importunis sane, sed mihi quam maxime necessariis interpellationibus.
Rogo igitur quantum possum, dignetur amico suo auxilio hoc onere, quod propter omne meum meritum gravissimum sustineo, me eatenus sublevare, ut ex justissima clementia SCR. Majestatis pristinam et omnimodam totalem libertatem meam quam primum consequi possim. - Ob quae Illma D. V. amica auxilia, quantum Ei suisque in aeternum obstrictus esse debeam et desiderem, malo, ut effectibus ipsis quam verbis experiatur.
Datum ex custodia Pragensi 21 Octobris anno 1610.
Illmae D. V. servitor et amicus Sigismundus princeps."




Nahoru